Léif LSZler,
An e puer Wochen ass et nees esou wäit, d’Clubrees 2026 steet virun der Dier. Dëst Joer geet et an dat schéint Slowenien, op Ljubljana.
Mir huelen den Nuetszuch Donneschdes den 30. Abrëll um 20:40h um Hauptbahnhof. Dann fuere mir duerch d’Nuecht a kommen hoffentlech pünktlech um 7:49h zu Ljubljana un. Zeréck geet et da Sonndes owes den 3. Mee mam Nuetszuch um 22:10h. Soumat komme mir da Méindes moies géint 9:30h mat Zäiten fir d’Uni un.
Fir e flotte Programm wärend de 3 Deeg wäert natierlech och gesuergt sinn: Mat der Ljubljana Card hu mir Accès op de ganzen ëffentlechen Transport souwéi verschidde Muséen. Bis lo sinn een Tour mam Boot, souwéi eng Visitt vum Schlass geplangt. Den méi präzisen Plang kënnt awer nach. Genuch Zäit fir op eege Fauscht d’Stad ze entdecken ass awer sécher!

D’Participatioun steet doduerch och nach net ganz fest, mee se wäert ronderëm 140€ bis 160€ leien. Do sinn den Zuch, den Hostel, ee gemeinsaamt Owesiessen a kleng Aktivitéiten déi mir all zesumme maachen, mat abegraff. Ausserdeem ass d’Ljubljana Card inklusiv, mat där de ganzen ëffentlechen Transport, souwéi divers kulturell Aktivitéiten gratis sinn. Sou hutt dir och genuch Méiglechkeeten är Freizeit ze fëllen.
Dir kennt iech vu Sonndes, dem 29.03.2026 em 18h00 bis Donneschdes, dem 2.04.2026 em 18h00 umellen. D’Umeldunge verlafen nom Prioritéitenprinzip aus eisen APB.
D’Plaze sinn op 36 Persoune begrenzt a bannent de Kategorië vun de Prioritéite gellt de Prinzip vum “first come first served”. Mellt iech also séier un!
Wann d’Umeldungsphas eriwwer ass, kritt dir Bescheed gesot, op dir eng Platz kritt hutt. Zu deem Zäitpunkt kritt dir och d’Detailer fir d’Participatioun ze bezuelen.

Bei Froe kennt dir iech gär bei de Responsabele vun der Clubrees mellen: Lucas Klaassen (lucas.klaassen@lsz.lu), Charlotte Benck (charlotte.benck@lsz.lu) oder dem Jim Reckel (jim.reckel@lsz.lu).
Mir freeën eis op eng flott Rees mam LSZ,
Äre Comité

This form is currently closed for submissions.