Wat a wéi studéiert een op der Uni?

All d’Studiegäng déi d’Uni Zürich ubitt fannt der an deser Tabell.

*MISSING TABELL*

04Den Oflaf vum Studium op der Uni ass net esou fest geregelt wéi op der ETH. Am Prinzip kann ee soen dass de Studium op der Uni, éischter engem Selbststudium entsprécht. Et huet een am Allgemengen net souvill Virliesungsstonne wéi d’Studenten op der ETH, dofir muss een awer ëmsou méi doheem schaffen, an sech selwer organiséiere kënnen. All weider Detailer fënnt een op der Internetsäit vun der Uni, respektiv am Studienführer deen een an der Rektoratskanzelei ze kafe kritt. [www.uzh.ch]

Wéini gëtt een op der Uni ugeholl? Wéi mellt een sech un?

 

Medezin

Den Abléck ginn iwwerhaapt keng auslännesch Studente fir d’Grondausbildung ugeholl. Fir Studenten, déi sech spezialiséiere wëllen, ginn et awer Méiglechkeete fir ugeholl ze ginn.

Aner Richtungen

Am Allgemengen ass et méi liicht, fir op der Uni ugeholl ze ginn wéi op der ETH (meeschtens ass keng Moyenne erfuerdert).

Mee opgepasst, opschons op verschidden Websäiten steet, datt een op der Uni ouni Problem ugeholl gëtt wann een d’Premiére gepackt huet, stëmmt dat net. D’Sectioun A gëtt och op der Uni Zürich net unerkannt. Fir ganz sécher ze goen ass et natierlech am beschten direkt bei der Uni nozefroen (admission@uzh.ch).

Déi, déi op der Uni Lëtzebuerg ee Joer gemaach a gepackt hunn, kënnen eventuell an dat drëtt Semester opgeholl ginn.

D’Umelle geet am Prinzip d’selwecht wéi bei der ETH – oppassen op d’Terminer. Et kann een sech fir verschidde Studiengäng souwuel am Hierscht- ewéi am Fréijoerssemester umellen. (Am Fréijoerssemester ass den Delai den 30. November, fir d’Hierschtsemester ass et den 30. Abrëll, et kann een sech heiansdo och na méi spéit umellen, mee dat kascht da méi.)